今日睇番呢篇自己較早前既blog, 令我回想起幾年前幫左呢位伯伯 -- 黃伯.

http://mong_candies.mysinablog.com/index.php?op=ViewArticle&articleId=22397

而家我離左職la, 但係佢仍然非常之愛錫我, 當我係親孫女咁看待, 返「石琪」一定會買杏仁餅送俾我食... 自從上年爺爺過左身之後, 黃伯就好似我另一位爺爺... 不過, 我重未盡我做孫女既責任,, 始終我都唔係佢屋企人ma~ 但係, 我真係好感恩, 佢咁錫我!

記得, 今年豬流感肆虐, 佢好緊張咁打過兩次電話俾我:「喂, 你果邊點呀?? 你有無事呀? 而家出面好犀利呀!! 有無唔舒服呀?」佢把聲真係好緊張我, 好怕我中左招. 我聽左佢呢番問候, 令我從心裡面感動, 因為即使係我男朋友, 屋企人, 朋友, 都無佢咁緊張我! 我好感動, 又好安心咁話佢知:「我無事, 放心啦~ 你都要小心d 呀~」

今年我結婚, 佢幫我通知哂所有認識我既街坊, 不過, 令我意外既係, 佢知無份去飲時, 有一d失落, 我真係意想不到.. 我諗, 黃伯真係太錫我啦....感謝你呀, 黃伯!